Sproocheronn am EIDE zu Déifferdeng

Den Educatiounsminister Claude Meisch, de Commissaire fir d’Lëtzebuerger Sprooch Marc Barthelemy an den Direkter vum Zenter fir d’Lëtzebuerger Sprooch, Luc Marteling ware leschte Méindeg, den 10. Oktober, op Besuch an der Ecole internationale de Differdange et de Esch/Alzette (EIDE), fir mat Schülerinnen a Schüler mat ville verschidde sproochleche Profiller, iwwert d’Lëtzebuerger Sprooch ze diskutéieren an nei  Iddien a Proposen ze sammelen, déi an den 20- Joresplang vun der Lëtzebuerger Sprooch afléisse sollen.

 

EIDE Sproocheronn mam Minister
EIDE Sproocheronn mam Minister

LLO.LU – Déi nei Plattform fir Lëtzebuergesch ze léieren

site web

Entdeckt déi nei digital Plattform fir Lëtzebuergesch ze léieren – gratis, iwwerall an zu all Moment.

Op der Pressekonferenz vum 9. September 2022 hunn den Här Claude Meisch, Educatiounsminister an d’Madame  Maisy Gorza, Direktesch vum Institut national des langues déi nei Plattform fir Lëtzebuergesch ze léieren, LLO, virgestallt. Dës ass gratis online accessibel.

Eng Léierplattform fir Lëtzebuergesch weltwäit, ronderëm d’Auer, ze léieren

Ugepasst un d’Besoine vum Aarbechtsmarché, erméiglecht d’Plattform LLO d’lëtzebuergesch Sprooch interaktiv ze léieren.

LLO bitt Exercicer mat Léisungen, Aktivitéiten, online an op der Plaz, awer och aktuell Noriichten, alles am Sënn fir d’Lëtzebuergescht ze perfektionéieren.

Sproocheronn 2022

Online Forum

Andréck vun der Sproocheronn

Zesumme fir eng lieweg Lëtzebuerger Sprooch: Ënnert deem Motto gouf d’Sproocheronn mam Minister Claude Meisch, dem Commissaire Marc Barthelemy an dem Zenter fir d’Lëtzebuerger Sprooch op véier Owenter a véier Regioune ueschtert d’Land organiséiert. Tëscht dem 7. an dem 16. Juni 2022, war all Bierger  invitéiert, fir sech aktiv un der Entwécklung vun der Lëtzebuerger Sproochepolitik anzebréngen.

Am Terres-Rouges-Gebai um Belval, am Spigelsall am Lycée zu Iechternach, an der Stad am Lycée Michel Rodange an als Ofschloss zu Clierf am Lycée Edward Steichen, si vill Proposen, Iddien, Diskussiounen  iwwert an ëm d’Lëtzebuerger Sprooch opkomm.

Duerfir soe mir Iech all Merci.

 

Sproocheronn Stad_Minister Claude Meisch
Sproocheronn Stad_Lëtzebuergesch am Alldag
Sproocheronn Stad_Lëtzebuergesch léieren
Sproocheronn Stad_ gesellege Patt
Sproocheronn Iechternach_Lëtzebuergesch am 21. Joerhonnert
Sproocheronn Iechternach_Lëtzebuergesch am Alldag
Sproocheronn Iechternach_Lëtzebuergesch léieren
Sproocheronn Iechternach _Minister Claude Meisch
Sproocheronn Iechternach_ Lëtzebuergesch léieren
Sproocheronn Iechternach_ Affiche Wat mengt Dir?
Sproocheronn Iechternach_Marc Barthelemy, Commissaire fir d'Lëtzebuerger Sprooch
Sproocheronn Iechternach_ Marc Barthelemy, Commissaire fir d'Lëtzebuerger Sprooch
Sproocheronn Iechternach_Minister Claude Meisch
Sproocheronn Terres Rouges Belval_ gesellege Patt
Sproocheronn Terres Rouges um Belval_ Lëtzebuergesch am Alldag
Sproocheronn Terres Rouges Belval_ gesellege Patt
Sproocheronn Terres Rouges Belval_ Minister Claude Meisch
Sproocheronn Belval_Lëtzebuergesch léieren
Sproocheronn Belval_Lëtzebuergesch am Alldag
Sproocheronn Belval_Lëtzebuergesch am 21 Jh.

Zesumme fir eng lieweg Lëtzebuerger Sprooch

Invitatioun op d’Sproocheronn 2022 op 4 Plazen am Land

Den Educatiounsminister mam Commissaire fir d’Lëtzebuerger Sprooch a mam Zenter fir d’Lëtzebuerger Sprooch (ZLS) ginn op den Tour, fir den zoukënftegen 20-Jores-Plang fir d’Promotioun vum Lëtzebuergesche mat de Bierger ze diskutéieren.

Background: D’Regierung huet 2017 eng Strategie fir d’Promotioun an d’Stäerkung vun der Lëtzebuerger Sprooch ugeholl mat engem Plang mat 40 konkreete Moossnamen. En Haaptpunkt war d’Ausschaffe vun engem 20-Joresplang fir d’Lëtzebuerger Sprooch, fir deen de Commissaire responsabel ass. D’Sproocheronn erlaabt elo, datt d’Bierger un der Ausaarbechtung vum 20-Joresplang bedeelegt ginn.

Sproocheronn 2022: Am Juni 2022 si véier Owender mam Minister, dem Commissaire fir d’Lëtzebuerger Sprooch an dem Zenter fir d’Lëtzebuerger Sprooch (ZLS) an de véier verschidde Regiounen uechter d’Land geplangt.

D’Datumer vun der Sproocheronn sinn déi heiten, allkéiers um 19 Auer:

  • 7. Juni: Terres-Rouges-Gebai um Belval, 14, Porte de France L-4360 Esch-sur-Alzette
  • 9. Juni: Lycée classique Iechternach, 1, rue du Pont L-6471 Echternach
  • 14. Juni: Lycée Michel Rodange an der Stad, 30, bd. Pierre Dupong Campus Geesseknäppchen L-1430 Luxembourg
  • 16. Juni: Lycée Edward Steichen zu Clierf, 1, rue Edward Steichen L-9707 Clervaux

All Owend geet u mat enger Aféierung iwwer d’Strategie vun 2018 an doriwwer, wéi wäit déi Mesuren ëmgesat sinn. Da sinn Diskussiounen an dräi Workshoppen iwwert dës Theemen:

  1. Lëtzebuergesch léieren
  2. Lëtzebuergesch am Alldag
  3. Lëtzebuergesch am 21. Joerhonnert

Dono gëtt zesumme gekuckt, wat dobäi erauskomm ass,  an et gëtt e Patt offréiert.

Jiddereen ass wëllkomm an et brauch ee sech net am Viraus unzemellen.

Et ass parallel och méiglech, iwwert den Online Forum op dësem Site matzemaachen.

 

 

online Forum

Presentatioun vum neien LOD

E Méindeg, den 20. Juni ëm 17 Auer war am Forum Geesseknäppchen d’Presentatioun vum neien LOD

De Minister fir Educatioun, Kanner a Jugend, Claude Meisch an den Zenter fir Lëtzebuerger Sprooch (ZLS) hunn e Méindeg, den 20. Juni ëm 17 Auer am Forum Geesseknäppchen de fuschneie Lëtzebuerger Online Dictionnaire presentéiert. Den LOD huet en intuitiven Design, erweidert Sichméiglechkeeten an eng praktesch API, fir datt jidderee beschtméiglech mat den LOD-Date ka schaffen.

 

Ass eis Sprooch a Gefor oder geet et hir esou gutt ewéi nach ni?

 

Ass eis Sprooch a Gefor oder geet et hir esou gutt ewéi nach ni? Déi eng soen dat eent, déi aner dat anert. Mee alleguer fanne se, datt et noutwenneg ass, d’Lëtzebuergescht weider ze fërderen. Op alle Pläng: an der Schoul, an der Aarbechtswelt, an der Gesellschaft.

Marc Barthelemy (Commissaire fir d’Lëtzebuerger Sprooch), Maisy Gorza (Directrice vum INLL), Mélanie Wagner (Soziolinguistin op der uni.lu) a Fred Keup (ADR-Deputéierten a Co-Auteur vum Buch “Mir gi Lëtzebuerg net op”) hunn iwwer d’Lëtzebuerger Sprooch, hir Problemer a Suergen, hir Chancen a Méiglechkeeten, diskutéiert.

Moderatioun: Maurice Molitor

Ass eis Sprooch a Gefor oder geet et hir esou gutt ewéi nach ni?

https://100komma7.lu/program/episode/402017/202206171215-202206171218